2025 жылы Наурыз мерекесі қарсаңында Алматы қаласы Мәдениет басқармасының басшысы Ғани Айдарұлы Майлибаев бастаған Алматы қаласы Маслихатының депутаттары Диана Ерлан, Еркін Рақышев, Серік Аманжолұлы Есматов Алматы қаласының Мемлекеттік архивінің ұжымымен кездесуге келді.

Маслихат депутаттарын Алматы қаласының Мемлекеттік архивінің директоры Абзал Қабдолбаритұлы Ботанов қарсы алды. Депутаттарға Архив қызметі туралы ақпарат беру мақсатында архив ғимараты мен архив қоймаларына экскурсия жүргізілді. Сонымен қатар, заманауи құрылғылармен архивтік құжаттарды цифрландыру және құжаттарды қалпына келтіру процесстері таныстырылды. Архив ұжымымен кездесу барысында депутаттар Қазақстан Республикасы заңнамасының кейбір тармақтары мен архив саласы бойынша туындаған мәселелерді шешу жолдарын талқылады. Архив қызметкерлері депутаттарға өздерінің тілек-ұсыныстарын білдіріп, толғандырған әлеуметтік салаға қатысты сұрақтарын қойды.