Бүгін Алматы қаласының Мемлекеттік архивінде М.В Ломоносов атындағы № 38 Қазақ-Ресей гимназиясының 5 сынып оқушылары мен сынып жетекшілеріне экскурсия жүргізілді.
Экскурсия барысында архивтің бас сарапшысы Белоносов Олег Рюрикович пен Архив құжаттарын ғылыми пайдалану және жариялау бөлімінің басшысы Баданбекова Алтынай Сақанқызы жетекшілік етті. Оқушыларға архивтің қызметі, құрылымы және жұмыс жүйесі туралы баяндалды. Сонымен қатар, архив құжаттарының сақталуы, оларды зерттеу және қолданудың маңыздылығы туралы түсініктер берілді. Оқушылар архивте сақталған тарихи құжаттармен танысып, олардың ішінде Алматы қаласының маңызды кезеңдерінен сыр шертетін деректер мен жәдігерлермен танысты. Экскурсия барысында оқушылар архив қызметкерлерінің күнделікті жұмысымен қатар құжаттарды сақтау мен өңдеу процесстерімен танысты. Архив мамандары оқушылардың сұрақтарына жауап беріп, олардың тарихқа деген қызығушылығын оятты. Оқушылардың пікірінше, экскурсия олардың тарихи білімдерін кеңейтіп, архивтің қоғамға тигізер пайдасы мен тарихи мұраларымызды сақтаудың қажеттілігін терең түсінуге көмектесті. Экскурсия соңында балалар алған әсерлерімен бөлісіп, болашақта архив құжаттарын зерттеуге қызығушылық танытты.
